ელ-ფოსტის რედაქტირება. ჩვენს სისტემაში ანგარიშში შესვლისთვის მნიშვნელოვანი ელემენტია ელ-ფოსტა, რომელიც თავდაპირველი რეგისტრაციისას არის მითითებული. როდესაც პაროლი დაგავიწყდებათ, სწორედ ელ-ფოსტაზე გამოიგზავნება პაროლის გამოცვლის შესაძლებლობა. ასევე ჩვენი სისტემიდან ავტომატური წერილების და შეტყობინებების გაგზავნა ხდება სწორედ ამ ელ-ფოსტაზე. აქედან გამომდინარე გირჩევთ თუ თქვენ შეგეცვალათ აქტიური ელ-ფოსტა, გაითვალისწინოთ ეს და ჩვენს სისტემაში შეცვალოთ თქვენი ელ-ფოსტა. ეს საკმაოდ მარტივი პროცედურაა, რისთვისაც უნდა შეხვიდეთ თქვენს პროფილში, ასევე პაროლის პარამეტრებში და განახორციელოთ ცვლილება. დამახსოვრების წინ კვლავ შეამოწმეთ სწორად შეიყვანეთ თუ არა ელ-ფოსტა.
ელ-ფოსტის ვერიფიკაცია. დამატებით გირჩევთ განახორციელოთ ჩვენი სისტემის მიერ თქვენი ელ-ფოსტის ვერიფიკაცია. ეს გულისმობს ჩვენი სისტემიდან დასადასტურებელი წერილის გაგზავნას თქვენს ელ-ფოსტაზე და თქვენი მხრიდან ამ წერილზე შესაბამისი დადასტუდების გახორციელებას. ვერიფიკაციის პროცედურის ინიცირება (დაწყება) შესაძლებელია თქვენი ანგარიშიდან ჩვენი ჩარევის გარეშე.
ვერ ვიყენებ რეგისტრირებულ ელ-ფოსტას. თუ გარკვეული მიზეზების გამო ვერ იყენებთ რეგისტრირებულ ელ-ფოსტას, რის გამოც ვერ შედიხართ თქვენს ანგარიშში. ამ დროს აუცილებელია თქვენი ფაქტიური იდენტიფიკაცია: სახელი, გვარი, პირადი ნომერი, კომპანია, საიდენტიფიკაციო კოდი. უნდა მოგვაწოდოთ ოფისში ოფიციალურად ხელმოწერილი წერილი ელ-ფოსტის შეცვლის თხოვნით. იხილეთ წერილის დაახლოებითი შაბლონი
შენიშვნა: აუცილებელია, რომ წერილში მითითებული კომპანიის და/ან ფიზიკური პირის დასახელება ემთხვეოდეს რეგისტრირებულ მონაცემებს. სხვა შემთხევვაში წერილი არ იქნება ლეგიტიმური.
